అక్షరటుడే, వెబ్డెస్క్ : Ustaad Bhagat Singh Ticket Prices | పవర్ స్టార్ పవన్ కల్యాణ్ (Pawan Kalyan) నటించిన ఉస్తాద్ భగత్ సింగ్ ఈ నెల 19న ప్రపంచ వ్యాప్తంగా విడుదల కానున్న విషయం తెలిసిందే. ఈ సినిమా కోసం పవన్ ఫ్యాన్స్ ఎంతో ఉత్కంఠ ఎదురు చూస్తున్నారు. ఈ మూవీ టికెట్ ధరల పెంపునకు ఏపీ ప్రభుత్వం అనుమతి ఇచ్చింది.
ఉస్తాద్ భగత్ సింగ్ సినిమా టికెట్ రేట్లను 10 రోజుల పాటు పెంచుకునే అవకాశం ఇస్తూ ఏపీ ప్రభుత్వం (AP Govt) నిర్ణయం తీసుకుంది. 10 రోజుల పాటు రోజుకు ఐదు షోలకు అనుమతి ఇచ్చింది. సింగిల్ స్క్రీన్స్లో రూ.100, మల్టీప్లెక్సుల్లో రూ.125 చొప్పున టికెట్ ధర పెరగనుంది. అలాగే రిలీజ్ రోజు ఉదయం బెనిఫిట్ షోకు సైతం ఒకే చెప్పింది. ప్రీమియర్ షో టికెట్ ధరను రూ.500గా నిర్ణయించింది.
Ustaad Bhagat Singh Ticket Prices | హరీష్ శంకర్ డైరెక్షన్లో..
పవన్ కల్యాణ్ రాజకీయాల్లో వచ్చాక సినిమాలు తగ్గించారు. ఇటీవల విడుదలైన హరి హర వీరమల్లు ఆశించిన స్థాయిలో వసూళ్లు రాబట్టుకోలేకపోయింది. దీంతో పవన్ ఫ్యాన్స్ ఉస్తాద్ భగత్ సింగ్ బంపర్ హిట్ కావాలని కాంక్షిస్తున్నారు. హరీష్ శంకర్ దర్శకత్వంలో మైత్రీ మూవీ మేకర్స్ నిర్మించిన ఈ చిత్రం భారీ అంచనాలు ఉన్నాయి. ఈ క్రమంలో ప్రభుత్వం టికెట్ రేట్ల పెంపునకు అనుమతి ఇవ్వడం గమనార్హం. మరోవైపు బెనిఫిట్ షో రిలీజ్ రోజు తెల్లవారుజామున 4 గంటల నుంచి 5 గంటల మధ్య ప్రారంభం కానుంది.
Ustaad Bhagat Singh Ticket Prices | తెలంగాణలో..
తెలంగాణ (Telangana)లో సైతం పవన్ సినిమా టికెట్ రేట్లు పెంచే అవకాశం ఉంది. ఈ మేరకు సుప్రీంకోర్టులో మైత్రీ మూవీ మేకర్స్ పిటిషన్ వేసిన విషయం తెలిసిందే. హైకోర్టు ఉత్తర్వులపై సుప్రీం కోర్టు స్టే విధించడంతో సినిమా టికెట్ ధరల పెంపునకు అవకాశం ఉంది. దీనిపై త్వరలో తెలంగాణ ప్రభుత్వం నిర్ణయం తీసుకునే ఛాన్స్ ఉంది.
దీనిని కూడా చదవండి : Movie Ticket Prices | కొత్త సినిమాలకు ఊరట… టికెట్ ధరల పెంపుపై సుప్రీంకోర్టు కీలక ఆదేశాలు
