అక్షరటుడే, వెబ్డెస్క్: Vijay Trisha Together | తాజాగా జరిగిన ఓ శుభకార్యంలో తమిళ నటుడు – టీవీకే అధినేత విజయ్, ప్రముఖ సినీ నటి త్రిష కృష్ణన్ కలిసి కనిపించడం తీవ్ర చర్చకు దారితీసింది. ఇటీవల జరిగిన వివాహ వేడుకకు వీరిద్దరూ కలిసే వచ్చారు.
Contents
Vijay Trisha Together | సంప్రదాయ దుస్తుల్లో జంటగా..
ఒకే కారులో చేరుకున్నటీవీకే అధినేత విజయ్–త్రిష మండపం లోపలికి సైతం కలిసి నడుచుకుంటూ రావడం అందరి దృష్టిని ఆకర్షించింది. సంప్రదాయ దుస్తుల్లో కనిపించిన ఇరువురి ఫొటోలు నెట్టింట వైరల్ అయ్యాయి. వీరి ఫొటోలను సోషల్ మీడియాలో అభిమానులు పంచుకుంటూ పర్ఫెక్ట్ జంట అంటూ కామెంట్స్ పెడుతున్నారు.
Vijay Trisha Together | వార్తల్లో వ్యక్తిగత జీవితం
వీరిద్దరి స్నేహం గురించి ఇప్పటికే చాలా కాలంగా చర్చ కొనసాగుతోంది. గతంలోనూ పలు సందర్భాల్లో వీరిద్దరూ కలిసి కనిపించినా.. అంతగా ఆకర్షించలేదు. కానీ, తాజాగా ఒకే కార్యక్రమానికి కలిసి రావడం అందరిలోనూ ఆసక్తిని రేకెత్తించింది.
ప్రస్తుతం విజయ్ వ్యక్తిగత జీవితం వార్తల్లో నిలిచింది. ఒక హీరోయిన్తో నటుడు విజయ్కు సన్నిహిత బంధం ఉందని ఆరోపిస్తూ.. అతని సతీమణి సంగీత విడాకుల కోసం ప్రయత్నిస్తున్నట్లు ప్రచారంలో ఉంది. ఈ నేపథ్యంలో ఆరోపణలకు అనుగుణంగా నటి త్రిషతో కలిసి నటుడు విజయ్ బహిరంగ ప్రదేశాల్లో కనిపించడం మరింత చర్చకు తెరలేపింది.
ఇక ఈ అవకాశాన్ని రాజకీయ ప్రత్యర్థులు ఉపయోగించుకుంటూ విమర్శలు చేస్తున్నారు. త్రిష పేరును ప్రస్తావిస్తూనే రాజకీయంగా విమర్శలు గుప్పిస్తున్నారు. అయినా ఈ అంశంపై విజయ్ నోరు మెదపకపోవడం గమనార్హం.
