Vishnu Copper Naivedyam | విష్ణుమూర్తికి రాగి పాత్రలో నైవేద్యం అంటే ఎందుకు అంత ఇష్టం? పురాణాలు చెబుతున్న అసలు రహస్యం ఇదే!

అక్షరటుడే,హైదరాబాద్ : Vishnu Copper Naivedyam | హిందూ ధర్మంలో ప్రతి పేరు వెనుక ఒక పరమార్థం, ప్రతి సంప్రదాయం వెనుక ఒక పురాణ గాథ దాగి ఉంటుంది. ‘గుడాకేశుడు’ అనే పదం వినగానే మనకు ముందుగా గుర్తుకు వచ్చేది మహాభారత వీరుడు అర్జునుడు.

అయితే, ఈ పేరుకు కేవలం అర్జునుడితోనే కాకుండా, మనం దైవ కార్యాల్లో వినియోగించే రాగి (Copper)లోహంతో కూడా విడదీయలేని సంబంధం ఉంది. సంకల్ప బలంతో ఇంద్రియాలను ఎలా జయించవచ్చో తెలిపే ఈ విశేషాలు ప్రతి ఒక్కరూ తెలుసుకోవాలి.

Vishnu Copper Naivedyam | అర్జునుడు ‘గుడాకేశుడు’ ఎలా అయ్యాడు?

మహాభారత కథనం ప్రకారం.. అర్జునుడు పరమశివుడి కోసం ఘోర తపస్సు చేశాడు. కిరాత రూపుడైన శివుడితో తలపడిన సమయంలో, అర్జునుడు తన నిద్రను, అలసటను పూర్తిగా నియంత్రించుకుని అచంచలమైన పోరాట పటిమను ప్రదర్శించాడు. అర్జునుడి ఏకాగ్రతకు, నిగ్రహానికి మెచ్చిన ముక్కంటి.. అతడిని ‘గుడాకేశా’ (నిద్రను జయించినవాడు) అని సంబోధించాడు. కురుక్షేత్ర సంగ్రామంలో అర్జునుడు విషాదంలో మునిగిపోయినప్పుడు, శ్రీకృష్ణుడు అదే పేరుతో అతడిని పిలిచి, తన అంతర్గత శక్తులను గుర్తు చేస్తూ భగవద్గీతను (Bhagavad Gita)  బోధించాడు. ఆకలి, నిద్ర వంటి ఇంద్రియాలను వశపరుచుకోగల ధీరుడివని పార్థుడిని కార్యోన్ముఖుడిని చేశాడు.

Vishnu Copper Naivedyam | రాగి పాత్ర వెనుక ఉన్న గుడాకేశుడి గాథ:

పురాణాల ప్రకారం.. గుడాకేశుడు అనే మరో రాక్షసుడు ఉండేవాడు. రాక్షస కులంలో జన్మించినా, అతడు అపర విష్ణు భక్తుడు. సుమారు 16 వేల ఏళ్ల పాటు కఠోర తపస్సు చేసి, స్వామి సన్నిధిలోనే శాశ్వతంగా ఉండిపోయే వరం కోరుకున్నాడు. విష్ణు చక్రం చేతిలోనే తనకు మరణం సంభవించాలని ఆకాంక్షించాడు. వైశాఖ శుద్ధ ద్వాదశి నాడు శ్రీమహావిష్ణువు తన సుదర్శన చక్రంతో గుడాకేశుని సంహరించాడు. ఆ సమయంలో అతడి మాంసం ‘రాగి’గా, ఎముకలు ‘వెండి’గా, శరీర మలినాలు ‘కంచు’గా రూపాంతరం చెందాయి.

Vishnu Copper Naivedyam | రాగి పాత్రలో నైవేద్యం ఎందుకు?

తన ప్రియ భక్తుడైన గుడాకేశుని కోరిక మేరకు, అతడి శరీరంతో ఏర్పడిన రాగి పాత్రలో నైవేద్యాన్ని స్వీకరించడం విష్ణుమూర్తికి అత్యంత ప్రీతికరమని పురాణాలు చెబుతున్నాయి. ఆ పాత్రలోని నైవేద్యంలో ఎన్ని బియ్యపు గింజలు ఉంటాయో, అన్ని వేల సంవత్సరాల పాటు ఆ భక్తుడు వైకుంఠంలో నివసిస్తాడని ప్రతీతి. అందుకే నేటికీ పూజా కార్యక్రమాల్లో రాగి పాత్రలకు అంత ప్రాధాన్యత ఇస్తారు.

Vishnu Copper Naivedyam | జ్యోతిష్య ప్రాముఖ్యత:

ఆధ్యాత్మికంగానే కాకుండా, జ్యోతిష్య శాస్త్ర రీత్యా కూడా రాగికి విశిష్టత ఉంది. రాగిని బుధ గ్రహానికి ప్రతీకగా భావిస్తారు. ఈ పాత్రలను వాడటం వల్ల సూర్య దోషాలు, బుధ గ్రహ దోషాలు తొలగిపోతాయని భక్తుల విశ్వాసం. సంకల్ప బలంతో మనసును, నిద్రను జయించిన గుడాకేశుని స్ఫూర్తితోనే.. అర్జునుడు అజేయ వీరుడిగా నిలిచాడు.

ఇది కూడా చదవండి..: Pink Coffee Benefits | చూడగానే తాగాలనిపించే ఈ పింక్ కాఫీ.. దీనివల్ల కలిగే ప్రయోజనాలు మామూలుగా లేవుగా!