అక్షరటుడే, వెబ్డెస్క్: White Hair Myth | నేటి కాలంలో ఆహారపు అలవాట్లు, ఒత్తిడి వల్ల చిన్నపిల్లల నుంచి యువత వరకు అందరినీ వేధిస్తున్న ప్రధాన సమస్య ‘తెల్ల జుట్టు’. తలలో ఒక్క తెల్ల వెంట్రుక కనిపించగానే చాలా మంది కంగారు పడి దానిని పీకేస్తుంటారు. అలా పీకితే పక్కన ఉన్న వెంట్రుకలు కూడా తెల్లగామారతాయని ఒక బలమైన అపోహ ఉంది. అయితే ఇందులో ఎంతవరకు నిజం ఉందో ఇప్పుడు తెలుసుకుందాం.
White Hair Myth | ఎందుకు తెల్లగామారుతాయి..
మన జుట్టు రంగును మెలనోసైట్ అనే కణాలు నిర్ణయిస్తాయి. ఇవి మెలనిన్ అనే నలుపు పదార్థాన్ని విడుదల చేయడం ద్వారా జుట్టుకు రంగును అందిస్తాయి. జుట్టు కుదుళ్లలోని ఈ కణాలు సరిగా పనిచేయనప్పుడు లేదా పోషకాహార లోపం ఏర్పడినప్పుడు జుట్టు రంగు మారుతుంది. మొదట గోధుమ రంగులోకి మారి, ఆ తర్వాత పూర్తిగా తెల్లగా మారుతుంది.
White Hair Myth | పీకడం వల్ల..
నిపుణుల అభిప్రాయం ప్రకారం.. ఒక తెల్ల వెంట్రుకను పీకడం వల్ల పక్కన ఉన్న నల్ల వెంట్రుకలు తెల్లగా మారవు. ఎందుకంటే ప్రతి వెంట్రుకకు వేర్వేరు కుదుళ్లు ఉంటాయి. ఒక కుదురులోని మెలనోసైట్ కణాలు దెబ్బతింటే, ఆ కుదురు నుంచి వచ్చే వెంట్రుకలు మాత్రమే తెల్లగా ఉంటాయి. అయితే, మీరు ఒక వెంట్రుకను పీకినప్పుడు, పక్క వెంట్రుకలు కూడా పోషకాహార లోపం వల్ల తెల్లగా మారవచ్చు. దీనిని చూసి చాలా మంది ‘పీకడం వల్లే తెల్లగా మారాయి’ అని భ్రమపడుతుంటారు.
తెల్ల జుట్టు రాకుండా తీసుకోవాల్సిన జాగ్రత్తలు:
సూర్యరశ్మి: శరీరానికి విటమిన్-డి అందడం చాలా ముఖ్యం. రోజూ ఉదయం లేదా సాయంత్రం కనీసం అరగంట పాటు ఎండలో ఉండటం వల్ల మెలనోసైట్ కణాలు ఉత్తేజితమవుతాయి.
పోషకాహారం: ప్రొటీన్లు అధికంగా ఉండే ఆహారం తీసుకోవాలి. గుమ్మడి గింజలు, సోయా, రాజ్మా, ఆకుకూరలు, పొద్దుతిరుగుడు గింజలను డైట్లో చేర్చుకోవాలి.
గాఢ నిద్ర: రోజుకు 7-8 గంటల నిద్ర తప్పనిసరి. నిద్ర సమయంలో విడుదలయ్యే మెలటోనిన్ హార్మోన్ కణజాల మరమ్మత్తుకు సహాయపడుతుంది.
ఒత్తిడి: మితిమీరిన ఒత్తిడి కూడా జుట్టు తెల్లగా మారటానికి కారణమవుతుంది. యోగా, ధ్యానం వంటివి అలవాటు చేసుకోవడం మంచిది.
ఇది కూడా చదవండి: Eyes Liver Warning | కళ్లు ఇచ్చే డేంజర్ సిగ్నల్స్.. ఈ మార్పును నిర్లక్ష్యం చేస్తే ప్రాణాలకే ముప్పు!
