అక్షరటుడే, వెబ్డెస్క్: Types of Collar Jobs | ‘బాగా చదివితే మంచి ఉద్యోగం వస్తుంది. ఆఫీసుల్లో ఏసీల కింద కూర్చుని పని చేయవచ్చు. ఐదారంకెల జీతంతో దర్జాగా బతకవచ్చు’ అని అనుకుంటుంటారు. అయితే ఒక్కో రకం ఉద్యోగాన్ని ఒక్కో కలర్, కాలర్ పేరుతో పిలుస్తారన్న విషయం చాలా మందికి తెలియదు.
చేసే పని, నైపుణ్య స్థాయి తదితర అంశాల ఆధారంగా వీటిని వైట్, బ్లూ, గోల్డ్.. ఇలా కలర్లతో లింక్ చేసి పిలుస్తుంటారు. ఏ కలర్ కాలర్ పరిధిలోకి ఏ ఉద్యోగం వస్తుందో తెలుసుకుందామా..
వైట్ కాలర్ : ఆఫీస్ పని, ప్రొఫెషనల్ డెస్క్ (Professional Desk) పని, పరిపాలన, నిపుణులు చేసేవాటిని వైట్ కాలర్ ఉద్యోగాలంటారు.
బ్లూ కాలర్ : ఇవి కాస్త కష్టతరమైనవి. నిర్మాణం, తయారీ, వ్యాపారాలు వంటి శారీరక శ్రమలో నిమగ్నమయ్యే ఉద్యోగాలు ఈ కేటగిరిలో ఉంటాయి.
పింక్ కాలర్ : కేర్ గివింగ్ ఉద్యోగాలు (Caregiving Jobs) అంటే ఆరోగ్య సంరక్షణ, విద్య, పిల్లల రక్షణ రంగాలలోనివి. నర్సులు కూడా పింక్ కాలర్ జాబితాలోకి వస్తారు.
సిల్వర్ కాలర్ : పదవీ విరమణ చేసిన వారిని కన్సల్టెంట్లుగా తీసుకుంటారు. ఇలా తమ కన్సల్టింగ్ పనిని కొనసాగించడానికి తిరిగి ఉద్యోగం చేసేవారిని సిల్వర్ కాలర్ ఉద్యోగులు అంటారు. ప్రధానంగా బ్యాంకులు, పెద్ద కంపెనీలలో కన్సల్టింగ్ పాత్రలలో పనిచేస్తుంటారు.
బ్లాక్ కాలర్ : మైనింగ్, వ్యర్థ పదార్థాల నిర్వహణ, పారిశుద్ధ్యం, మురుగు రవాణాలో పని చేసేవారిని బ్లాక్ కాలర్ ఉద్యోగులంటారు.
గ్రే కాలర్ : వైట్ కాలర్, బ్లూ కాలర్ ఉద్యోగాల కలయిక. అంటే అటు ఐటీ రంగంలో సాంకేతిక పరిజ్ఞానాన్ని కలిగి ఉండి, ఇటు క్షేత్రస్థాయిలో శారీరక శ్రమతో కూడిన పనులు చేసేవారిని గ్రే కాలర్ ఉద్యోగులు అని వ్యవహరిస్తారు. ఇంజినీర్లు, మెకానిక్లు ఈ వర్గంలోకి వస్తారు.
గ్రీన్ కాలర్ : పర్యావరణ పరిరక్షణ, పునరుత్పాదక ఇంధన వనరులు, పర్యావరణహిత ప్రాజెక్టులలో పనిచేసే వారు. అంటే సోలార్, విండ్ పవర్లాంటి కాలుష్యం వెదజల్లని ప్రాజెక్టుల్లో చేసే ఉద్యోగాలే గ్రీన్ కాలర్.
రెడ్ కాలర్ : ప్రభుత్వ ఉద్యోగాలు (Government Jobs), ప్రభుత్వ రంగ ఉద్యోగాలు రెడ్ కాలర్ జాబితాలోకి వస్తాయి. వీటిలో పరిపాలశ్రీ, ప్రజా సేf ఉద్యోగాలు ఓ భాగం.
Types of Collar Jobs | గోల్డ్ కాలర్ ఉద్యోగాలు
ప్రీమియం పరిహారం సంపాదించే అధిక నైపుణ్యం కలిగిన నిపుణులు జాబితాలో ఉన్నారు. ఇందులో వైద్యులు ఓ భాగం.
Types of Collar Jobs | ఆరెంజ్ కాలర్
జైలు శిక్ష అనుభవిస్తూ లోపల వివిధ రకాల పనులు చేసే ఖైదీలను ఆరెంజ్ కాలర్ ఉద్యోగులని పిలుస్తారు. వారు ధరించే దుస్తుల రంగు ఆధారంగా ఈ పేరు వచ్చింది.
ఓపెన్ కాలర్ : ఇంటి వద్ద నుంచి పనిచేసే ఫ్రీలాన్సర్లు లేదా రిమోట్ ఉద్యోగులను ఓపెన్ కాలర్ ఉద్యోగులుగా పేర్కొంటారు.
ఇది కూడా చదవండి..: Inter Supplementary Exams | మే 13 నుంచి ఇంటర్ సప్లిమెంటరీ పరీక్షలు
