అక్షరటుడే, వెబ్డెస్క్: Nara Lokesh TDP Working President | తెలుగు దేశం పార్టీ (Telugu Desam Party) కీలక నిర్ణయం తీసుకుంది. ఆ పార్టీ వర్కింగ్ ప్రెసిడెంట్గా నారా లోకేశ్ను నియమించింది. ఈ మేరకు పొలిట్బ్యూరో, జాతీయ కమిటీలను తాజాగా ప్రకటించింది. ఏపీ రాష్ట్ర అధ్యక్షుడిగా పల్లా శ్రీనివాసరావు కొనసాగుతున్నారు.
టీడీపీ జాతీయ అధ్యక్షుడిగా ప్రస్తుతం సీఎం చంద్రబాబు నాయుడు (CM Chandrababu Naidu) కొనసాగుతున్న విషయం తెలిసిందే. పార్టీ రాష్ట్ర అధ్యక్షుడిగా పల్లా శ్రీనివాసరావు ఉన్నారు. అయితే ప్రస్తుతం ఆ పార్టీ ఏపీకే పరిమితం కావడంతో అన్ని నిర్ణయాలు చంద్రబాబు నాయుడు తీసుకుంటారు. పేరుకు పల్లా శ్రీనివాసరావు అధ్యక్ష పదవి నామమాత్రమే. తాజాగా పార్టీ వర్కింగ్ ప్రెసిడెంట్ చంద్రబాబు తనయుడు లోకేశ్ (Nara Lokesh)ను నియమించడంతో పార్టీలో ఆయన స్థానాన్ని బలోపేతం చేసే సూచనలు కనిపిస్తున్నాయి.
Nara Lokesh TDP Working President | భవిష్యత్లో అధ్యక్ష పదవి..
ప్రాంతీయ పార్టీ అయిన టీడీపీలో చంద్రబాబు తర్వాత ఆ పార్టీ పగ్గాలు లోకేశ్కు అప్పగించే అవకాశాలు ఉన్నాయి. ఈ క్రమంలో ఆయనకు తాజాగా వర్కింగ్ ప్రెసిడెంట్ బాధ్యతలు అప్పగించారు. చంద్రబాబు నాయుడు వయసు పెరుగుతుండటంతో లోకేశ్ను బలంగా తెరమీదకు తీసుకు వస్తున్నారు. ఇప్పటికే మంత్రిగా ఆయన మెరుగైన పనితీరు కనబరుస్తున్నారు. మొదట్లో లోకేశ్పై విమర్శలు వచ్చినా.. ఆయన ఇప్పుడు పరిణితి సాధించారు. దీంతో పార్టీలో కీలకమైన వర్కింగ్ ప్రెసిడెంట్ పదవి పొందారు.
Nara Lokesh TDP Working President | రెండుసార్లు మంత్రిగా..
లోకేశ్ 1983లో జన్మించారు. 2017 మార్చిలో ఎమ్మెల్సీగా ఎన్నికయ్యారు. అనంతరం మంత్రిగా బాధ్యతలు చేపట్టారు. అయితే తొలిసారి మంత్రిగా పని చేసిన సమయంలో ఆయనపై విమర్శలు వచ్చారు. అనంతరం 2019 ఎమ్మెల్యేగా పోటీ చేసి ఓడిపోయారు. వైసీపీ అధికారంలో ఉన్న సమయంలో లోకేశ్ ప్రజలతో మమేకం అయ్యారు. ఈ క్రమంలో 2024 ఎన్నికల్లో విజయం సాధించి మరోసారి మంత్రి అయ్యారు. లోకేశ్ 2013 మేలో టీడీపీలో చేరారు. మొదట పార్టీ యువజన విభాగానికి నాయకత్వం వహించారు.
ఇది కూడా చదవండి..: Pudi Srihari Arrest | చంద్రబాబుపై సోషల్ మీడియాలో పోస్ట్.. వైఎస్సార్సీపీ నేత పూడి శ్రీహరిని అరెస్ట చేసిన పోలీసులు
