అక్షరటుడే, వెబ్డెస్క్: Israel Lebanon Ceasefire | అమెరికా అధ్యక్షుడు డొనాల్డ్ ట్రంప్ గురువారం కీలక ప్రకటన చేశారు. ఇజ్రాయెల్–లెబనాన్ మధ్య 10 రోజుల కాల్పుల విరమణ అమల్లోకి వస్తుందని తెలిపారు. న్యూయార్క్ సమయం ప్రకారం సాయంత్రం 5 గంటల నుంచి ఈ విరమణ ప్రారంభమవుతుందని సోషల్ మీడియా ద్వారా వెల్లడించారు.
ఇరు దేశాల నేతలను ఆహ్వానించి, దీర్ఘకాలిక శాంతి సాధనకు చర్చలు జరపనున్నట్లు తెలిపారు. ఈ ప్రక్రియలో ఉపాధ్యక్షుడు జేడీ వాన్స్, విదేశాంగ మంత్రి మార్కో రుబియో, జాయింట్ చీఫ్స్ ఆఫ్ స్టాఫ్ ఛైర్మన్ డాన్ కేన్ సహకరించాలని ఆదేశించారు.
Israel Lebanon Ceasefire | చర్చలు ఉండవు..
ఇదిలా ఉండగా, లెబనాన్ అధ్యక్షుడు జోసెఫ్ ఔన్ ఇటీవల ట్రంప్తో ఫోన్లో మాట్లాడినట్లు సమాచారం. అయితే ఇజ్రాయెల్ ప్రధాని బెంజమిన్ నేతన్యాహుతో త్వరలో చర్చలు జరిపే అవకాశం లేదని లెబనాన్ అధికారులు స్పష్టం చేశారు.
మరోవైపు, అమెరికా రక్షణ శాఖ మంత్రి పీట్ హెగ్సేత్ ఇరాన్పై హెచ్చరికలు జారీ చేశారు. ఇరాన్ సానుకూలంగా స్పందించకపోతే యుద్ధ చర్యలను పునఃప్రారంభించడానికి అమెరికా సేనలు సిద్ధంగా ఉన్నాయని పేర్కొన్నారు.
Israel Lebanon Ceasefire | పాక్ మధ్యవర్తిత్వం..
ఇరాన్–అమెరికా మధ్య కొనసాగుతున్న ఉద్రిక్తతల నేపథ్యంలో పాకిస్తాన్ మధ్యవర్తిత్వ ప్రయత్నాలు కొనసాగుతున్నాయి. పాకిస్తాన్ సైన్యాధిపతి అసిమ్ మునీర్ ఇరాన్ పర్యటనలో భాగంగా పార్లమెంట్ స్పీకర్ మహమ్మద్ బాఘర్ ఖలిబాఫ్తో సమావేశమయ్యారు. ఇరు దేశాల మధ్య శాంతి చర్చలు మళ్లీ ప్రారంభించేందుకు ప్రయత్నాలు జరుగుతున్నాయి.
ఇరాన్ సుప్రీం లీడర్ సలహాదారు మొహ్సెన్ రెజాయీ అమెరికాపై తీవ్ర వ్యాఖ్యలు చేశారు. అవసరమైతే అమెరికా నౌకలను ధ్వంసం చేస్తామని, సైనికులను బందీలుగా తీసుకుంటామని హెచ్చరించారు.
Israel Lebanon Ceasefire | కాల్పుల విరమణను పొడిగించే అంశంపై చర్చలు
ఇక అమెరికా–ఇరాన్ మధ్య రెండు వారాల కాల్పుల విరమణను పొడిగించే అంశంపై చర్చలు జరుగుతున్నాయి. తదుపరి చర్చలు పాకిస్తాన్లోనే జరిగే అవకాశం ఉందని వైట్ హౌస్ తెలిపింది. అయితే ఈ చర్చల తేదీలపై ఇంకా స్పష్టత లేదు.
హార్ముజ్ జలసంధిలో అమెరికా నౌకాదళం చర్యలు కొనసాగుతున్నాయి. ఇప్పటివరకు ఇరాన్కు చెందిన పది నౌకలను తిరిగి పంపినట్లు అమెరికా సెంట్రల్ కమాండ్ వెల్లడించింది.
ఈ పరిణామాల మధ్య అంతర్జాతీయ మార్కెట్లలో చమురు ధరలు తగ్గుముఖం పట్టాయి. బ్రెంట్ క్రూడ్ ధర బ్యారెల్కు 94.49 డాలర్లకు, వెస్ట్ టెక్సాస్ ఇంటర్మీడియట్ ధర 90.59 డాలర్లకు పడిపోయాయి.
ఇది కూడా చదవండి: Vaisakha Amavasya | అప్పుల ఊబిలో కొట్టుమిట్టాడుతున్నారా.. వైశాఖ అమావాస్య నాడు ఈ చిన్న పని చేస్తే రుణ విముక్తి ఖాయం!
ఇది కూడా చదవండి: Three Knots Marriage | మూడు ముళ్ల బంధం.. ఈ ముడుల వెనుక ఉన్న అసలు రహస్యం ఇదే!
ఇది కూడా చదవండి: Ideal Woman | ఈ గుణాలు ఉన్న స్త్రీ.. ఇంటికి లక్ష్మీదేవితో సమానమట!
ఇది కూడా చదవండి: Pomegranate Peel Benefits | తొక్కే కదా అని తీసిపారేస్తున్నారా.. ఇందులో దాగున్న పోషకాలు తెలిస్తే ఆశ్చర్యపోతారు!
ఇది కూడా చదవండి: Sugar cravings causes | భోజనం తర్వాత తీపి తినాలనిపిస్తోందా.. అయితే శరీరంలో ఈ లోపం ఉన్నట్లే!
ఇది కూడా చదవండి: Fenugreek | చేదు మెంతుల్లో దాగున్న తీపి ప్రయోజనాలు!
