అక్షరటుడే, వెబ్డెస్క్ : Stock Market Rally | పశ్చిమాసియాలో నెలకొన్న ఉద్రిక్త పరిస్థితులు తగ్గే అవకాశాలు కనిపిస్తుండడం, క్రూడ్ ఆయిల్ (Crude Oil) ధరలు తగ్గుతుండడం, రూపాయి విలువ బలోపేతం అవుతుండడం, ఎఫ్ ఐఐలు నికర కొనుగోలుదారులుగా నిలుస్తుండడంతో దేశీయ స్టాక్ మార్కెట్ (Domestic Stock Market)పై ఇన్వెస్టర్లలో నమ్మకం బలపడుతోంది. దీంతో ఆసియా మార్కెట్లు నష్టాల బాటలో ఉన్నా.. మన మార్కెట్లు మాత్రం లాభాల బాటలో పయనించాయి. అన్ని రంగాల షేర్లు రాణించడంతో బుల్స్ ది పైచేయిగా నిలిచింది.
Stock Market Rally | నష్టాలతో ప్రారంభమై..
శుక్రవారం ఉదయం సెన్సెక్స్ 12 పాయింట్ల నష్టంతో ప్రారంభమై మరో 250 పాయింట్లు కోల్పోయింది. కనిష్టాల వద్ద లభించిన కొనుగోళ్ల మద్దతుతో కోలుకుని 827 పాయింట్లు పెరిగింది. నిఫ్టీ 31 పాయింట్ల నష్టంతో ప్రారంభమై మరో 69 పాయింట్లు తగ్గింది. అక్కడినుంచి 275 పాయింట్లు లాభపడింది. చివరికి సెన్సెక్స్ 504 పాయింట్ల లాభంతో 78,493 వద్ద, నిఫ్టీ 156 పాయింట్ల లాభంతో 24,353 వద్ద స్థిరపడ్డాయి.
Stock Market Rally | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 3.043 కంపెనీలు లాభపడగా 1,284 స్టాక్స్ నష్టపోయాయి. 166 కంపెనీలు ఫ్లాట్గా ముగిశాయి. 175 కంపెనీలు 52 వారాల గరిష్టాల వద్ద ఉండగా.. 20 కంపెనీలు 52 వారాల కనిష్టాల వద్ద కదలాడాయి. బీఎసఈలో నమోదైన కంపెనీల సంపద విలువ రూ. 5 లక్షల కోట్లు పెరిగింది.
Stock Market Rally | రాణించిన ఎఫ్ఎంసీజీ..
దేశీయ స్టాక్ మార్కెట్ లో ఐటీ మినహా మిగిలిన సూచీలు రాణించాయి. నిఫ్టీలో ఎఫ్ఎంసీజీ ఇండెక్స్ 2.65 శాతం, క్యాపిటల్ గూడ్స్ 2.19 శాతం, పవర్ 1.95 శాతం, యుటిలిటీ 1.51 శాతం, ఎనర్జీ 1.43 శాతం, ఆయిల్ అండ్ గ్యాస్ 1.38 శాతం, మీడియా 1.34 శాతం, మెటల్, కన్జూమర్ డ్యూరెబుల్ ఇండెక్స్లు ఒక శాతానికిపైగా లాభపడ్డాయి. ఐటీ ఇండెక్స్ 0.02 శాతం నష్టపోయింది.
Top Gainers : బీఎస్ఈ సెన్సెక్స్లో 24 స్టాక్స్ లాభపడగా.. 6 స్టాక్స్ నష్టాలతో ముగిశాయి. హెచ్యూఎల్ 4.75 శాతం, పవర్గ్రిడ్ 1.86 శాతం, రిలయన్స్ 1.61 శాతం. బీఈఎల్ 1.56 శాతం, టెక్ మహీంద్రా 1.41 శాతం లాభపడ్డాయి.
Top Losers : సన్ఫార్మా 1.06 శాతం, ఎంఅండ్ ఎం 0.68 శాతం, హెచ్సీఎల్ టెక్ 0.57 శాతం, ఎల్టీ 0.54 శాతం, ఎటర్నల్ 0.06 శాతం నష్టపోయాయి.
ఇది కూడా చదవండి..: Croma Akshaya Tritiya Deals | క్రోమా ‘గోల్డెన్ డీల్స్’.. అక్షయ తృతీయ ఆఫర్ల సువర్ణావకాశం.. ఏసీలు, టీవీలపై 50% వరకు తగ్గింపు!
