అక్షరటుడే, వెబ్డెస్క్: Nizamabad Outsourcing Workers | నిజామాబాద్ మున్సిపల్ కార్పొరేషన్లో ఔట్సోర్సింగ్ కార్మికులకు వేతనాలు చెల్లించకపోవడంతో వారు తీవ్ర ఇబ్బందులు పడుతున్నారు. జీతాలు లేక ఆర్థిక ఇబ్బందులు ఎదుర్కొంటున్న కార్మికులు ఆందోళనకు దిగుతున్నారు.
Nizamabad Outsourcing Workers | వాటర్ ట్యాంక్ ఎక్కి..
ఈ నేపథ్యంలో శుక్రవారం ఒక కార్మికుడు నిజామాబాద్ నగరంలోని వాటర్ ట్యాంక్ ఎక్కి నిరసనకు దిగాడు. వెంటనే తమకు బకాయి వేతనాలు చెల్లించాలని, లేనిపక్షంలో ట్యాంక్పై నుంచి దూకుతానని హెచ్చరిస్తూ వీడియో తీసి సోషల్ మీడియాలో పోస్టు చేశాడు. తన ప్రాణాలకే తెగించి చేసిన ఈ హెచ్చరికపై కూడా అధికారులు స్పందించలేదని వాపోయాడు. చీకటి పడిన తరువాత మరో వీడియోను విడుదల చేస్తూ తన పరిస్థితిని తెలియజేశాడు.
Nizamabad Outsourcing Workers | జోన్ 3 ఉద్యోగిగా గుర్తింపు..
సమాచారం అందుకున్న పోలీసులు ఘటనాస్థలికి చేరుకున్నారు. ఆ కార్మికుడిని సురక్షితంగా కిందికి దించారు. అయితే, ఈ సమయంలో కార్మికుడు పోలీసులతో వాగ్వాదానికి దిగినట్లు సమాచారం. ఎంత సముదాయించినా ఆయన వినిపించుకోకపోవడంతో కొంత ఉద్రిక్తత నెలకొంది.
సదరు కార్మికుడు షేక్ హాజీ (జోన్-III ఔట్సోర్సింగ్ ఉద్యోగి)గా గుర్తించారు. ఈ ఘటన స్థానికంగా కలకలం రేపింది.
