అక్షర టుడే, ఎల్లారెడ్డి: Surender Release Protest | శాంతి యుతంగా నిరసన తెలుపుతున్న మాజీ ఎమ్మెల్యే జాజాల సురేందర్ను అరెస్టు చేయడాన్ని ఖండిస్తూ.. ఆయన్ను వెంటనే విడుదల చేయాలని నాయకులు, కార్యకర్తలు డిమాండ్ చేశారు. ఈ మేరకు కామారెడ్డి జిల్లా భిక్కనూరు ఠాణా ఎదుట భారాస నేతలు రాస్తారోకో నిర్వహించారు.
Surender Release Protest | అసలేం జరిగిందంటే..
ఎల్లారెడ్డి పట్టణ కేంద్రంలోని బీసీ బాలికల వసతి గృహంలో మృతి చెందిన శ్రావణి మృతిపై అనుమానాలు ఉన్నాయంటూ.. మృతురాలి కుటుంబ సభ్యులతో కలిసి ఎల్లారెడ్డిలో మాజీ ఎమ్మెల్యే జాజాల సురేందర్ రాస్తారోకో నిర్వహించారు. విద్యార్థి మృతికి కారణాలు తెలపాలని, ఆమె కుటుంబ సభ్యులకు న్యాయం చేయాలని డిమాండ్ చేశారు.
రాస్తారోకో విరమించాలని పోలీసులు చెప్పినా వినకపోవడంతో మాజీ ఎమ్మెల్యేను అరెస్టు చేసి భిక్కనూరు పోలీస్ స్టేషన్కి తరలించారు. విషయం తెలిసి భారాస నాయకులు పెద్ద ఎత్తున అక్కడికి చేరుకున్నారు. ఆయన్ను తక్షణమే విడుదల చేయాలని డిమాండ్ చేస్తూ పోలీస్ స్టేషన్ ఎదుట రాస్తారోకో నిర్వహించారు.
