అక్షరటుడే, వెబ్డెస్క్: TCS Nashik Case | టీసీఎస్ నాసిక్ క్యాంపస్ వ్యవహారంలో సంచలన విషయాలు వెలుగులోకి వస్తున్నాయి. BPO యూనిట్లో జరిగిన లైంగిక వేధింపులు, కార్యాలయ దుష్ప్రవర్తన ఆరోపణల కేసు విచారణను అధికారులు వేగవంతం చేశారు.
టాటా గ్రూప్ కంపెనీ (Tata Group Company) హెచ్ఆర్ మేనేజర్ నిదా ఖాన్ కీలక నిందితురాలిగా పోలీసులు గుర్తించారు. ఆమెను అరెస్ట్ చేశారు. మరో ఏడుగురు పురుషులను సైతం అదుపులోకి తీసుకున్నారు. నిందితులకు సహకరించిన మరో మహిళ పరారీలో ఉంది. లైంగిక వేధింపులు, దుష్ప్రవర్తనకు సంబంధించి పదేపదే ఫిర్యాదులు ఆమె దృష్టికి వచ్చినా, ఖాన్ (HR Manager Nida Khan) చర్యలు తీసుకోవడంలో విఫలమయ్యారని పలువురు మహిళా ఉద్యోగులు ఆరోపించారు.
TCS Nashik Case | ముఠాగా ఏర్పడి..
పెళ్లి చేసుకుంటానని నమ్మించి తనను మోసం చేశాడని ఓ ఉద్యోగిని ఫిర్యాదు చేయడంతో కేసు నమోదు అయింది. ఈ కేసు విచారణ సందర్భంగా సంచలన విషయాలు వెలుగు చూశాయి. తమపై సైతం లైంగిక వేధింపులు జరిగాయని మరికొంతమంది మహిళలు ముందుకు వచ్చారు. ఫిబ్రవరి 2022 నుండి మార్చి 2026 మధ్య కాలంలో జరిగాయని ఆరోపణలు ఉన్నాయి. అనుచితంగా తాకడం, అభ్యంతరకరమైన వ్యాఖ్యలు చేయడం, వెంబడించడం, ఇతర రకాల వేధింపులు వంటి ఆరోపణలు ఉన్నాయి. మహిళా ఉద్యోగులే లక్ష్యంగా ఏడుగురు ఉద్యోగులు ముఠాగా ఏర్పడి వేధింపులకు పాల్పడినట్లు నాసిక్ పోలీసులు వెల్లడించారు. వారిని మతం మారమని ఒత్తిడి చేసినట్లు గుర్తించారు.
TCS Nashik Case | మారువేషంలో వెళ్లి..
ఫిర్యాదుల నేపథ్యంలో నాసిక్ పోలీసులు (Nashik Police) ఒక రహస్య ఆపరేషన్ నిర్వహించారు. ఇందులో భాగంగా మహిళా అధికారులు మారువేషంలో టీసీఎస్ కార్యాలయం (TCS Office)లోకి వెళ్లారు. ఆ సమయంలో ఒక నిందితుడు అసభ్యంగా ప్రవర్తిస్తూ పట్టుబడినట్లు ఆరోపణలు ఉన్నాయి. కాగా తమను లైంగికంగా వేధిస్తున్నారని హెచ్ఆర్కు ఫిర్యాదు చేసిన పట్టించుకోలేదని బాధితులు ఆవేదన వ్యక్తం చేశారు. అంతేగాకుండా ఆమె నిందితులకు అనుకూలంగా వ్యవహరించారు. 9 మంది నిందితుల్లో కొందరు టీమ్ లీడర్ స్థాయిలో పని చేస్తున్నారు. వారు తమ కింద పని చేసే వారిని లైంగికంగా వేధించేవారు.
TCS Nashik Case | చంపేస్తామని బెదిరించారు
తన భార్యకు పిల్లలు పుట్టరని తెలుసుకున్న తర్వాత, బిడ్డ కావాలంటే తన వద్దకు పంపమని తన టీమ్ లీడర్ సూచించాడని ఓ ఉద్యోగి మీడియాకు తెలిపారు.లీడర్ తౌసిఫ్ అక్తర్, సహోద్యోగి డానిష్ షేక్ నా భార్యను వారి వద్దకు పంపమని వ్యక్తిగత వ్యాఖ్యలు చేశారు. ఒక వాగ్వాదం సందర్భంగా, తౌసిఫ్ కోపంతో నాపైకి ఫ్యాన్ విసిరి, నన్ను చంపేస్తానని బెదిరించాడు. నేను ఈ విషయాన్ని హెచ్ఆర్కు ఫిర్యాదు చేశాను అని చెప్పారు.
TCS Nashik Case | ఉద్యోగులకు వర్క్ఫ్రమ్ హోం..
లైంగిక వేధింపులు, మత మార్పిడి ఆరోపణల నేపథ్యంలో టాటా కన్సల్టెన్సీ సర్వీసెస్ (Tata Consultancy Services) నాసిక్ కార్యాలయంలోని ఉద్యోగులను ఇంటి నుంచే పనిచేయాలని ఆదేశించినట్లు అధికారులు గురువారం తెలిపారు. ఉద్యోగుల సౌకర్యం, భద్రత దృష్ట్యా నాసిక్ కేంద్రంలోని ఉద్యోగులను ఇంటి నుంచే పనిచేయాలని కోరినట్లు పేర్కొన్నారు. సంస్థ కార్యకలాపాలను తాత్కాలికంగా నిలిపివేసింది.
ఇది కూడా చదవండి..: India Austria Meeting | ఆస్ట్రియా ఛాన్స్లర్తో ప్రధాని సమావేశం.. కీలక ఒప్పందాలు
