అక్షరటుడే, వెబ్డెస్క్ : Seethakka Legal Notice | మాజీ సీఎం, బీఆర్ఎస్ అధినేత కేసీఆర్ (KCR)కు మంత్రి సీతక్క (Minister Seethakka) లీగల్ నోటీసులు పంపించారు. తనపై అసత్య ప్రచారం చేస్తున్నారని ఆమె మండిపడ్డారు. 48 గంటల్లో క్షమాపణ చెప్పాలని డిమాండ్ చేశారు.
రాష్ట్ర ప్రభుత్వం ఇటీవల అంగన్వాడీ టీచర్లకు సెల్ఫోన్లు అందజేసింది. అయితే ఇందులో అక్రమాలు చోటు చేసుకున్నాయని సోషల్ మీడియాలో ప్రచారం జరుగుతోంది. బీఆర్ఎస్ సోషల్ మీడియా (Social Media)లో తనపై కావాలనే తప్పుడు ప్రచారం చేస్తున్నారని సీతక్క పేర్కొన్నారు. ఇటీవల ఆమె మాట్లాడుతూ.. తాట తీస్తానని హెచ్చరించారు. ఈ క్రమంలో తాజాగా కేసీఆర్కు నోటీసులు పంపారు.
Seethakka Legal Notice | నాకు సంబంధం లేదు
అంగన్వాడీ టీచర్ల ఫోన్ల కొనుగోలుపై బీఆర్ఎస్ (BRS) సోషల్ మీడియాలో తనపై నిరాధర ఆరోపణలు చేశారని నోటీసుల్లో సీతక్క పేర్కొన్నారు. కావాలనే తన ప్రతిష్టను దెబ్బతీసేలా వ్యవహరిస్తున్నారని ఆగ్రహం వ్యక్తం చేశారు. సెల్ఫోన్ల కొనుగోలుతో తనకు సంబంధం లేదని స్పష్టం చేశారు. తనపై జరుగుతున్న దుష్ప్రచారానికి కేసీఆర్దే బాధ్యత అన్నారు. 48 గంట్లలో తనపై పెట్టిన పోస్టులు తొలగించాలని, కేసీఆర్ క్షమాపణ చెప్పాలని మంత్రి డిమాండ్ చేశారు. లేదంటే న్యాయపరమైన చర్యలు తీసుకుంటానని హెచ్చరించారు.
ఫోన్ల కొనుగోలు ప్రక్రియను తెలంగాణ (Telangana) టెక్నాలజీ సర్వీసెస్ లిమిటెడ్ నిర్వహించిందని సీతక్క వెల్లడించారు. టెండర్ వాల్యుయేషన్ కమిటీ నిర్ణయాల ప్రకారమే కాంట్రాక్ట్ జరిగిందన్నారు. ఇందులో తనకు ఎలాంటి సంబంధం లేదని స్పష్టం చేశారు. నోటీసులపై బీఆర్ఎస్ నేతలు, కేసీఆర్ ఎలా స్పందిస్తారో చూడాలి
ఇది కూడా చదవండి..: TET 2026 Notification | తెలంగాణ టెట్ నోటిఫికేషన్ విడుదల..
