Singer Mangli Statement | నేను ఏ తప్పు చేయలేదు.. సింగర్​ మంగ్లీ

అక్షరటుడే, వెబ్​డెస్క్ : Singer Mangli Statement | తాను ఏ తప్పు చేయలేదని సింగర్​ మంగ్లీ (Singer Mangli) పేర్కొన్నారు. ఈ మేరకు మరో వీడియో విడుదల చేశారు. తానూ మైక్రో ఫైనాన్స్​ బాధితురాలినేనని ఆమె అన్నారు.

మైక్రో ఫైనాన్స్​ (Microfinance) వ్యవహారంలో మంగ్లీపై ఇటీవల ఓ వ్యక్తి ఫిర్యాదు చేసిన విషయం తెలిసిందే. సింగర్ మంగ్లీ, ఆమె తమ్ముడిపై అనేక ఆరోపణలు వచ్చాయి. రమావత్ మధు అనే వ్యక్తి రియల్​ ఎస్టేట్, ఇన్వెస్ట్​మెంట్​ పేరుతో భారీగా డబ్బులు వసూలు చేశాడు. అనంతరం ప్రజలను మోసం చేశాడు. దీని వెనుక మంగ్లీ ఉన్నారని న్యాయవాది సుబ్బారావు పోలీసులకు ఫిర్యాదు చేశారు. తనపై తప్పుడు ప్రచారం చేస్తున్నారని మంగ్లీ సైతం ఆయనపై పంజాగుట్ట పోలీస్​ స్టేషన్​లో ఫిర్యాదు చేశారు.

Singer Mangli Statement | విమర్శలు రావడంతో..

తన పేరు వాడుకొని ప్రజలను మోసం చేసిన వ్యక్తిపై కాకుండా.. ఫిర్యాదు చేసిన న్యాయవాదిపై పోలీసులకు ఫిర్యాదు చేయడంపై విమర్శలు వచ్చాయి. పోలీసులు సైతం న్యాయవాదితో వ్యవహరించిన తీరుపై వివాదాస్పదంగా మారింది. ఇటీవల మంగ్లీ ఫిర్యాదు అనంతరం న్యాయవాది ఠాణాకు వెళ్లగా పోలీసులు ఆయనకు డ్రంకన్​ డ్రైవ్​ (Drunken Driving) తనిఖీలు చేశారు. అతడికి 27 పాయింట్లు వచ్చింది. అయితే అది తక్కువ మొత్తమే. అయినా వాహనం నడిపే సమయంలో చేయాల్సిన డ్రంకన్​ డ్రైవ్ పరీక్షలను పోలీస్​ స్టేషన్​కు ఫిర్యాదు చేయడానికి వచ్చిన వ్యక్తి ఎందుకు చేశారో పోలీసులకే తెలియాలి. ఇలాగే అందరికి చేస్తారా.. అని నెటిజన్లు విమర్శించారు. మరోవైపు మంగ్లీపై సైతం విమర్శలు వచ్చాయి. దీంతో తాజాగా మరో వీడియో విడుదల చేశారు.

Singer Mangli Statement | నాకు సంబంధం లేదు

మైక్రో ఫైనాన్స్​ కేసుతో తనకు ఎలాంటి సంబంధం లేదని మంగ్లీ తెలిపారు. మధును మా కమ్యూనిటీ ప్రోగ్రామ్​లో గతంలో కలిశానని, అయితే ఆయన చేసిన తప్పులకు తాను బాధ్యురాలిని కాదన్నారు. ఈ తన పేరుతో మోసం చేశారని తెలియడంతో తానే స్వయంగా మధుపై ఫిర్యాదు చేశానని చెప్పారు. మైక్రో ఫైనాన్స్ అనే పదమే తనకు ఇంతకు ముందుకు తెలియదన్నారు. ఈ వ్యవహారంతో తనతో పాటు కుటుంబ సభ్యులు మానసిక క్షోభకు గురవుతున్నట్లు చెప్పారు.

Singer Mangli Statement | పరారీలో నిందితుడు

మైక్రో ఫైనాన్స్ కేసు నిందితుడు రమావత్ మధు పరారీలో ఉన్నారు.రియల్ ఎస్టేట్, ఇన్వెస్ట్‌మెంట్‌ పేరుతో అతడు రూ.కోట్లలో వసూళ్లు చేశాడు. మంగ్లీకి ఇందులో సంబంధం లేదంటూ మధు వీడియో విడుదల చేయడం గమనార్హం. నిందితుడి కోసం పోలీసుల గాలింపు చర్యలు ముమ్మరం చేశారు.

ఇది కూడా చదవండి..: Ustaad Bhagat Singh in OTT | ఓటీటీలోకి ‘ఉస్తాద్ భగత్ సింగ్’.. థియేటర్ల తర్వాత డిజిటల్‌లో పవన్ మేనియా!