అక్షరటుడే, వెబ్డెస్క్: Jasprit Bumrah Form | ప్రపంచ క్రికెట్లో అత్యుత్తమ పేస్ బౌలర్లలో ఒకరిగా గుర్తింపు పొందిన జస్ప్రీత్ బుమ్రా ఐపీఎల్ 2026 సీజన్లో ఆశించిన స్థాయిలో రాణించలేకపోవడం చర్చనీయాంశంగా మారింది.
ఇప్పటివరకు ఈ సీజన్లో ఒక్క వికెట్ కూడా దక్కకపోవడం ముంబై ఇండియన్స్ అభిమానులను ఆశ్చర్యానికి గురిచేస్తోంది. ముంబై ఇండియన్స్ (Mumbai Indians) జట్టు ఈ సీజన్ను విజయంతో ప్రారంభించినప్పటికీ, ఆ తర్వాత వరుసగా నాలుగు మ్యాచ్ల్లో ఓటమి పాలైంది. ఈ నేపథ్యంలో బుమ్రా ఫామ్పై విమర్శలు వెల్లువెత్తుతున్నాయి.
Jasprit Bumrah Form | బుమ్రాపై నమ్మకం..
అయితే ఈ విమర్శలకు జట్టు హెడ్ కోచ్ మహేష్ జయవర్ధనే (Mahesh Jayawardene) గట్టి సమాధానం ఇచ్చాడు. జయవర్ధనే మాట్లాడుతూ, బుమ్రా ఫామ్ కోల్పోయాడనే అభిప్రాయాన్ని పూర్తిగా ఖండించాడు. “బుమ్రా అద్భుతంగా బౌలింగ్ చేస్తున్నాడు. సమస్య అతడిలో లేదు. పవర్ప్లేలో మేము వికెట్లు తీయలేకపోవడం వల్ల ప్రత్యర్థి బ్యాటర్లు ఒత్తిడిలో పడటం లేదు. అందువల్ల వారు బుమ్రా బౌలింగ్ను జాగ్రత్తగా ఎదుర్కొంటున్నారు” అని వివరించాడు. జట్టులో అనుభవజ్ఞులైన దీపక్ చాహర్ (Deepak Chahar), బౌల్ట్ వంటి బౌలర్లు ఉన్నప్పటికీ, ప్రారంభ ఓవర్లలో వికెట్లు రాకపోవడం జట్టుకు నష్టం కలిగిస్తోందని ఆయన పేర్కొన్నారు. బౌలింగ్ విభాగం మొత్తం ఒక యూనిట్గా రాణించాల్సిన అవసరం ఉందని స్పష్టం చేశారు.
Jasprit Bumrah Form | త్వరలోనే పూర్తి స్థాయి జట్టుతో బరిలోకి
బుమ్రా ఒక్కసారి వికెట్లు తీయడం మొదలుపెడితే, అతడిని ఆపడం చాలా కష్టం. అతడిపై మాకు పూర్తి నమ్మకం ఉంది. జట్టులో అతడొక్కడే కాదు, ఇతర నాణ్యమైన బౌలర్లు కూడా ఉన్నారు. అందరూ కలిసి బాధ్యత తీసుకోవాలి” అని జయవర్ధనే అన్నారు. ఇక జట్టులో కొన్ని గాయాలు, అనారోగ్య సమస్యలు కూడా ప్రణాళికలను దెబ్బతీశాయని ఆయన అంగీకరించాడు. త్వరలోనే పూర్తి స్థాయి జట్టుతో బరిలోకి దిగుతామని ఆశాభావం వ్యక్తం చేశాడు. బుమ్రా ప్రదర్శనపై వచ్చిన విమర్శలను ఖండిస్తూ, ఇది వ్యక్తిగత వైఫల్యం కాదని, జట్టు సమష్టి సమస్యగా చూడాలని జయవర్ధనే స్పష్టం చేశాడు.
ఇది కూడా చదవండి..: Vinod Kambli Health | ఆందోళనకరంగా వినోద్ కాంబ్లీ ఆరోగ్యం.. సాయం కోరుతూ ప్రత్యేక వాట్సాప్ గ్రూప్
