అక్షరటుడే, వెబ్డెస్క్: Gold Rate April 14 | పశ్చిమాసియాలో కొనసాగుతున్న భౌగోళిక రాజకీయ ఉద్రిక్తతలు ప్రపంచ ఆర్థిక వ్యవస్థపై ప్రభావం చూపుతున్నాయి. ముఖ్యంగా ముడి చమురు ధరల పెరుగుదలతో ద్రవ్యోల్బణం పెరిగే అవకాశాలు కనిపిస్తున్నాయి.
ఇదే సమయంలో అమెరికన్ డాలర్ Dollar బలపడడం కూడా బంగారం, వెండి ధరలపై ప్రభావం చూపుతోంది. ఈ పరిణామాల మధ్య గత వారం పెరిగిన బంగారం, వెండి ధరలు ప్రస్తుతం కొంతవరకు తగ్గుముఖం పట్టాయి. నేడు (ఏప్రిల్ 14) ఉదయం 6.30 గంటల సమయంలో హైదరాబాద్ బులియన్ మార్కెట్లో 24 క్యారెట్ల 10 గ్రాముల బంగారం ధర రూ.1,52,450గా నమోదైంది. 22 క్యారెట్ల ఆభరణాల బంగారం ధర రూ.1,39,740గా కొనసాగుతోంది. కిలో వెండి ధర రూ.2,59,900 వద్ద ఉంది. విజయవాడలో కూడా ఇదే స్థాయి ధరలు నమోదయ్యాయి.
Gold Rate April 14 | కాస్త తగ్గిన ధరలు..
దేశంలోని ఇతర ప్రధాన నగరాల్లో కూడా దాదాపు ఇదే ధోరణి కొనసాగుతోంది. చెన్నైలో (Chennai) 24 క్యారెట్ల బంగారం ధర రూ.1,53,370గా ఉండగా, ముంబై, బెంగళూరులో రూ.1,52,450గా ఉంది. 22 క్యారెట్ల బంగారం ధర చెన్నైలో రూ.1,40,590గా ఉండగా, ముంబై, బెంగళూరులో రూ.1,39,740గా కొనసాగుతోంది. వెండి ధరల విషయంలో కూడా తగ్గుదల స్పష్టంగా కనిపిస్తోంది. దేశంలోని వివిధ నగరాల్లో కిలో వెండి ధర రూ.2.54 లక్షల నుంచి రూ.2.59 లక్షల మధ్య మారుతోంది. నిన్నటితో పోలిస్తే బంగారం ధరలో సుమారు రూ.380 తగ్గుదల నమోదైంది. ఆభరణాల బంగారం ధర రూ.350 మేర తగ్గగా, వెండి ధరలో దాదాపు రూ.5,000 వరకు కోత పడింది.
Gold Rate April 14 | అనిశ్చిత పరిస్థితుల నేపథ్యంలో..
నిపుణుల అభిప్రాయం ప్రకారం, అంతర్జాతీయ పరిస్థితులు, ముఖ్యంగా పశ్చిమాసియా ఉద్రిక్తతలు, చమురు ధరలు మరియు డాలర్ మార్పులు కొనసాగుతున్నంత కాలం బంగారం, వెండి ధరల్లో హెచ్చుతగ్గులు కొనసాగుతాయని భావిస్తున్నారు. పెట్టుబడిదారులు జాగ్రత్తగా వ్యవహరించాలని సూచిస్తున్నారు.
ఇది కూడా చదవండి..: Trump Naval Warning | ఆ నౌకలను వాటిని ధ్వంసం చేస్తాం..ట్రంప్ వివాదాస్పద హెచ్చరిక!
