అక్షరటుడే, వెబ్డెస్క్: India Solar Power Growth | ప్రపంచ సౌరశక్తి సామ్రాజ్యంలో అగ్రరాజ్యం అమెరికాను (America) వెనక్కి నెట్టి భారత్ (India) నంబర్ టూగా ఆవిర్భవించింది. 14 నెలల్లోనే 50 గిగావాట్ల భారీ సామర్థ్యాన్ని జోడించి, మొత్తం 150 గిగావాట్ల మైలురాయిని దాటడం ద్వారా ఈ ఘనతను సొంతం చేసుకుంది.
ప్రభుత్వ ప్రోత్సాహకాలు, పెరిగిన దేశీయ తయారీ సామర్థ్యం ఈ విజయానికి కారణమయ్యాయి. 2030 సంవత్సరం నాటికి 500 గిగావాట్ల గ్రీన్ ఎనర్జీ లక్ష్యంగా భారత్ ముందుకు సాగుతోంది. కాగా అగ్రస్థానంలో చైనా కొనసాగుతోంది. అమెరికా, యూరోపియన్ దేశాల కంటే భారత్ వేగంగా ముందుకు దూసుకెళ్తుండడం గమనార్హం.
India Solar Power Growth | గతంలో 11 ఏళ్లు.. ఇప్పుడు 14 నెలలు..
గ్రీన్ ఎనర్జీ (Green Energy) విషయంలో గతంలో మొదటి 50 గిగావాట్ల సామర్థ్యాన్ని సాధించడానికి మన దేశానికి 11 ఏళ్ల సమయం పట్టింది. కానీ ఇప్పుడు అదే 50 గిగావాట్ల సామర్థ్యాన్ని 14 నెలల్లోనే చేరుకోవడం గమనార్హం. 2025 -26 ఆర్థిక సంవత్సరంలోనే రికార్డు స్థాయిలో 44.6 గిగావాట్ల సోలార్ సామర్థ్యాన్ని భారత్ తన గ్రిడ్కు అనుసంధానించడం గమనార్హం. ‘పీఎం సూర్య ఘర’ (PM Surya Ghar) వంటి పథకాలు ప్రజలకు చేరువై సామాన్యులు సైతం తమ ఇళ్లపై సోలార్ ప్యానెళ్లు ఏర్పాటు చేసుకుంటుండడంతో ఈ వృద్ధి సాధ్యమైందని భావిస్తున్నారు. ‘భారత్ ఇప్పుడు ఏడాదికి 50 గిగావాట్ల వృద్ధి దిశగా సాగుతోంది. 2030 నాటికి 500 గిగావాట్ల గ్రీన్ ఎనర్జీ లక్ష్యాన్ని చేరుకోవడానికి ఇది గట్టి పునాది.’ అని నేషనల్ సోలార్ ఎనర్జీ ఫెడరేషన్ ఆఫ్ ఇండియా సీఈవో సుబ్రహ్మణ్యం పులిపాక పేర్కొన్నారు.
ఇది కూడా చదవండి..: Delimitation Bill | రాజ్యాంగ సవరణ బిల్లు ప్రవేశపెట్టడంపై ఓటింగ్
