అక్షరటుడే, వెబ్డెస్క్: Delimitation Bill | పార్లమెంట్ ప్రత్యేక సమావేశాలు (Parliament Special Sessions) వాడివేడిగా కొనసాగుతున్నాయి. 3 కీలక బిల్లులు కేంద్ర ప్రభుత్వం సభలో ప్రవేశ పెట్టింది. 131వ రాజ్యాంగ సవరణ బిల్లు ప్రవేశ పెట్టడంపై లోక్సభలో ఓటింగ్ జరిగింది. 207 మంది సభ్యులు అనుకూలంగా ఓటు వేశారు.
డీలిమిటేషన్కు సంబంధించిన 131 రాజ్యాంగ సవరణ బిల్లుపై విపక్షాలు అభ్యంతరం తెలిపాయి. సమాజ్వాదీ పార్టీ ఎంపీ ధర్మేంద్ర యాదవ్ (MP Dharmendra Yadav) మాట్లాడుతూ.. రాజ్యాంగ (131వ సవరణ) బిల్లు, కేంద్ర పాలిత ప్రాంతాల చట్టాల (సవరణ) బిల్లు, డీలిమిటేషన్ బిల్లు 2026లను వ్యతిరేకిస్తున్నామని తెలిపారు. మహిళా రిజర్వేషన్లకు తమ కంటే గొప్ప మద్దతునిచ్చే పార్టీ మరొకటి లేదన్నారు.
Delimitation Bill| రాజ్యాంగాన్ని హైజాక్ చేస్తున్న కేంద్రం
రాజ్యాంగాన్ని కేంద్ర ప్రభుత్వం హైజాక్ చేస్తోందని కాంగ్రెస్ ఎంపీ కేసీ వేణుగోపాల్ (Congress MP KC Venugopal) అన్నారు. ఈ బిల్లుకు అసలు కారణాలు వేరే ఉన్నాయని ఆరోపించారు. 33 శాతం మహిళా రిజర్వేషన్లు 2024లో ఎందుకు అమలు చేయలేదని ప్రశ్నించారు. లోక్సభలో ప్రతిపక్ష సభ్యులు, ‘రాజ్యాంగ (131వ సవరణ) బిల్లు, 2026’ను ప్రవేశపెట్టే ప్రతిపాదనపై ఓటింగ్ జరపాలని పట్టుబట్టారు. DMK ఎంపీ టి.ఆర్. బాలు, AIMIM ఎంపీ ఒవైసీ, టీఎంసీ, CPI-M పార్టీలు ఈ బిల్లులను వ్యతిరేకించాయి.
Delimitation Bill | జన గణన ప్రారంభమైంది
జనాభా గణన ఎందుకు నిర్వహించడం లేదని అఖిలేష్ యాదవ్ ప్రశ్నించారు. దీనిపై అమిత్ షా (Amit Shah) స్పందిస్తూ.. జనాభా గణన ప్రక్రియ ఇప్పటికే ప్రారంభమైందని చెప్పారు. ముస్లిం మహిళలకు రిజర్వేషన్లు కల్పించడం గురించి ధర్మేంద్ర యాదవ్ ప్రస్తావించారని, ఇది రాజ్యాంగ విరుద్ధమన్నారు. మతం ఆధారంగా రిజర్వేషన్లు కల్పించడం కుదరదరని స్పష్టం చేశారు. సమాజ్వాది పార్టీ కావాలంటే అన్ని సీట్లను ముస్లింలకు ఇవ్వొచ్చన్నారు. దానికి ఎవరు అడ్డు చెప్పరని సెటైర్లు వేశారు.
బిల్లు ప్రవేశపెట్టడంపై ఓటింగ్
131 రాజ్యాంగ సవరణ బిల్లు ప్రవేశపెట్టడంపై లోక్సభలో ఓటింగ్ జరిగింది. బిల్లు ప్రవేశపెట్టడానికి అనుకూలంగా 207 మంది లోక్సభ సభ్యులు ఓటు వేశారు. 126 మంది సభ్యులు దీనికి వ్యతిరేకంగా ఓటు వేశారు. మొత్తం 333 మంది ఎంపీలు ఓటు వేశారు. ఈ బిల్లును ప్రవేశపెట్టే చర్యకు వ్యతిరేకంగా లోక్సభలోని ప్రతిపక్ష సభ్యులు ఓట్ల విభజన (division) జరపాలని పట్టుబట్టారు. దీంతో స్పీకర్ ఓటింగ్ నిర్వహించారు.
ఇది కూడా చదవండి..: Parliament Special Sessions | ప్రారంభమైన పార్లమెంట్ ప్రత్యేక సమావేశాలు
