అక్షరటుడే, కోటగిరి : Road Safety Human Chain | మండల కేంద్రంలోని బస్టాండ్ ఆవరణలో విద్యార్థులకు రోడ్డు భద్రత (Road Safety) నియమాల ప్రాముఖ్యతపై అవగాహన కార్యక్రమం నిర్వహించారు. మైనర్, రాంగ్ రూట్ డ్రైవింగ్, డ్రంకన్డ్రైవ్ వంటి వాటి వల్ల సంభవించే ప్రమాదాలను గురించి వివరిస్తూ మానవహారం ఏర్పాటు చేశారు.
Road Safety Human Chain | రోడ్డు ప్రమాదాలను తగ్గించడమే లక్ష్యంగా..
ఈ సందర్భంగా ఎస్సై మాట్లాడుతూ.. రాష్ట్రవ్యాప్తంగా ప్రారంభించిన రోడ్డు ప్రమాదాలను (Road accidents) తగ్గించడం లక్ష్యంగా ఈ కార్యక్రమాలు ఏర్పాటు చేస్తున్నట్లు తెలిపారు. విద్యార్థులకు అవగాహన కల్పించారు. రోడ్డు ప్రమాదాలతో ఎన్నో కుటుంబాలు దెబ్బతింటున్నాయని, ప్రతిరోజు జరుగుతున్న ప్రమాదాలను గుర్తుపెట్టుకొని ప్రజల్లో భద్రతపై అవగాహన తప్పనిసరిగా పెరగాలని సూచించారు. హెల్మెట్ ధరించడం అనేది కేవలం జరిమానాల నుంచి తప్పించుకోవాలని కాదని అది ప్రాణాలను కాపాడే రక్షణ కవచమన్నారు. కార్యక్రమంలో పాఠశాల ఉపాధ్యాయులు, అనిల్ విద్యార్థులు అధిక సంఖ్యలో పాల్గొన్నారు.
Road Safety Human Chain | బాల్కొండలో..
అక్షరటుడే, బాల్కొండ: రోడ్డు భద్రతపై అవగాహన కల్పించే క్రమంలో బాల్కొండలోని శివాజీ చౌరస్తా వద్ద మానవహారం నిర్వహించారు. ఈ సందర్భంగా విద్యార్థులకు రోడ్డు దాటేటప్పుడు, బస్సు ఎక్కేటప్పుడు, దిగేటప్పుడు తీసుకోవాల్సిన జాగ్రత్తలను వివరించారు. తల్లిదండ్రులకు హెల్మెట్, సీట్ బెల్ట్ వినియోగంపై ప్రత్యేక అవగాహన కల్పించారు. కార్యక్రమంలో విద్యార్థులు, పోలీసులు, ప్రజలు కలిసి రోడ్డు భద్రతా ప్రతిజ్ఞ చేశారు. ఎస్సై శైలేందర్ ఈ కార్యక్రమంలో పాల్గొన్నారు.
ఇది కూడా చదవండి..: Road Safety Campaign | ‘నాన్న, దయచేసి నా కోసం.. అమ్మ కోసం హెల్మెట్ వాడండి’.. విద్యార్థుల వినూత్న పోస్టుకార్డు ఉద్యమం..
