అక్షరటుడే, వెబ్డెస్క్ : Telangana Weather Update | రాష్ట్రంలో ఎండలు మండుతున్నాయి. వడగాలులు వీస్తుండటంతో ప్రజలు తీవ్ర ఇబ్బందులు పడుతున్నారు. ఈ క్రమంలో వాతావరణ శాఖ అధికారులు (Meteorological Department Offiers) ప్రజలకు గుడ్ న్యూస్ చెప్పారు.
హీట్వేవ్ కారణంగా గత మూడు రోజులుగా తెలంగాణ వ్యాప్తంగా రికార్డు స్థాయిలో ఉష్ణోగ్రతలు నమోదు అవుతున్నాయి. ఉక్కపోతతో ప్రజలు ఉక్కిరిబిక్కిరి అవుతున్నారు. మధ్యాహ్నం సమయంలో బయటకు వెళ్లాలంటే జంకుతున్నారు. ఈ క్రమంలో తెలంగాణలో ఈ నెల 18, 19 తేదీల్లో వర్షాలు పడుతాయని వాతావరణ శాఖ అధికారులు తెలిపారు.
Telangana Weather Update | ఆ జిల్లాల్లో..
వికారాబాద్, రంగారెడ్డి, సంగారెడ్డి, మెదక్ జిల్లాల్లో ఏప్రిల్ 18,19 తేదీల్లో వర్షాలు ప్రారంభం అవుతాయి. ఉరుములతో కూడిన వర్షాలు కురుస్తాయి. ఏప్రిల్ 20-24 మధ్య తెలంగాణ (Telangana)లోని చాలా ప్రాంతాలకు వర్షాలు విస్తరిస్తాయి. ఇవి ఎక్కువగా సాయంత్రం – రాత్రి పూట కురిసే అవకాశం ఉంది. దీంతో మధ్యాహ్నం సమయంలో వేడి ఉష్ణోగ్రతలు కొనసాగుతాయి. ఏప్రిల్ 19-23 మధ్య హైదరాబాద్ (Hyderabad)లో కూడా ఉరుములతో కూడిన వర్షాలు కురిసి ఛాన్స్ ఉంది.
Telangana Weather Update | రైతులు జాగ్రత్త..
ప్రస్తుతం యాసంగి వరికోతలు జోరుగా సాగుతున్నాయి. అన్నదాతలను వడ్లను ఆరబోస్తున్నారు. ఈ సమయంలో వర్షాలు పడితే ధాన్యం తడిసిపోయే అవకాశం ఉంది. అలాగే కోయని పంట నేలరాలే ఛాన్స్ ఉంది. దీంతో రైతులు (Farmers) జాగ్రత్తలు తీసుకోవాలి. ఆరబెట్టిన ధాన్యం తడవకుండా టార్పాలిన్లు కప్పుకోవాలి.
ఇది కూడా చదవండి..: Telangana Caste Survey | వెలుగులోకి కుల గణాంక సర్వే వివరాలు.. టాప్లో 35 కులాలు ఇవే…
