అక్షరటుడే, వెబ్డెస్క్: Paresh Rawal IMF Comment | పశ్చిమాసియాలో యుద్ధం ముగించే విషయమై పాకిస్థాన్లో 21 గంటలపాటు వాషింగ్టన్, టెహ్రాన్ల మధ్య చర్చలు జరిగిన విషయం తెలిసిందే. దీనికి ఇస్లామాబాద్లోని అత్యంత భద్రత గల ప్రదేశాలలో ఒకటైన ఫైవ్ స్టార్ హోటల్ సెరీనా (Five-Star Hotel Serena) వేదికయ్యింది. ప్రధానమంత్రి నివాసం, పార్లమెంటుకు సమీపంలో హోటల్ ఉండటంతో దీనిని చర్చలకు అనువైనదిగా ఎంచుకున్నారు.
Paresh Rawal IMF Comment | కట్టుదిట్టమైన భద్రతా ప్రాంతంగా మార్చారు
కాగా చర్చలకు ముందు ఇస్లామాబాద్ (Islamabad)ను అత్యంత కట్టుదిట్టమైన భద్రతా ప్రాంతంగా మార్చారు. అమెరికా ఉపాధ్యక్షుడు జేడీ వాన్స్, ఇరాన్ ఉన్నతాధికారుల నేతృత్వంలో ప్రతినిధి బృందాలు రావడంతో రెండు రోజుల పాటు దుకాణాలు, కార్యాలయాలను మూసివేశారు. ప్రధాన ప్రభుత్వ కార్యాలయాలు, దౌత్య కార్యాలయాలు ఉన్న రెడ్ జోన్తో సహా కీలక ప్రాంతాల్లో పారామిలిటరీ, సైనిక దళాలతో సహా వేలాది మంది భద్రతా సిబ్బందిని మోహరించారు. అయితే ఈ చర్చలు ఫలప్రదం కాలేదు. ఇందులో ఎలాంటి ఒప్పందం కుదరలేదు. దీంతో ఇరు దేశాల మధ్య మళ్లీ ఉద్రిక్త పరిస్థితులు నెలకొన్నాయి.
Paresh Rawal IMF Comment | ‘X’ పోస్ట్పై ఫన్నీ రెస్పాన్స్..
అమెరికా, ఇరాన్ల మధ్య ఉన్నత స్థాయి చర్చలకు పాకిస్థాన్ ఆతిథ్యం ఇవ్వడం గురించి వైరల్ అయిన ఒక సోషల్ మీడియా పోస్ట్పై బాలీవుడ్ సీనియర్ నటుడు పరేష్ రావల్ (Actor Paresh Rawal) తనదైన శైలిలో వ్యంగ్యాస్త్రాన్ని సంధించారు. ఇస్లామాబాద్లో ప్రపంచ నాయకులకు వసతి కల్పించే ఖర్చు గురించి ఒక ఎక్స్ యూజర్ “ఇప్పుడు అతిపెద్ద సందిగ్ధత… హోటల్ బిల్లులు ఎవరు కడతారు?” అన్న పోస్టుపై ఆయన స్పందిస్తూ ఐఎంఎఫ్ అని రాశారు. అంతర్జాతీయ ద్రవ్య నిధిపై పాకిస్థాన్ దీర్ఘకాలంగా ఆధారపడి ఉందన్న విషయాన్ని సూచిస్తూ ఆయన రాసిన ‘ఐఎంఎఫ్’ అన్న రిప్లై వైరల్ అవుతోంది. పాకిస్తాన్ (Pakistan) తన ఆర్థిక వ్యవస్థను స్థిరీకరించుకోవడానికి చాలాకాలంగా అంతర్జాతీయ ద్రవ్య నిధి (ఐఎంఎఫ్) మద్దతుపై ఆధారపడి ఉన్నందున, రావల్ వ్యాఖ్యలు అందరి దృష్టిని ఆకర్షించాయి.
ఇది కూడా చదవండి..: Iran US Tensions | గల్ఫ్ దేశాల్లోని పోర్టులను మూసేస్తాం.. అమెరికాకు ఇరాన్ వార్నింగ్
