అక్షరటుడే, కామారెడ్డి: Excise CI Bribery Case | ఉమ్మడి జిల్లాలోని అవినీతి అధికారులపై ఏసీబీ (acb raid) దృష్టి సారించింది. వరుస దాడులతో అవినీతి అధికారుల గుండెల్లో పరుగులు పెట్టిస్తోంది. అయినా అధికారులు లంచాలు తీసుకోవడం మానుకోవడం లేదు.
Excise CI Bribery Case | బిచ్కుంద ఎక్సైజ్ సీఐ..
తాజాగా బిచ్కుంద (Bichkunda) ఎక్సైజ్ సీఐ సత్యనారాయణ ఏసీబీకి చిక్కారు. అక్రమంగా నిర్వహిస్తున్న ఓ కల్లు దుకాణాన్ని ఎలాంటి ఆటంకం లేకుండా నడుపుకునేందుకు సీఐ రూ. 2 లక్షలు డిమాండ్ చేశారు. దాంతో బాధితుడు ఏసీబీని ఆశ్రయించగా శుక్రవారం సీఐ అద్దెకు ఉంటున్న ఇంట్లో బాధితుడి నుంచి లంచం తీసుకుంటుండగా రెడ్ హ్యాండెడ్గా పట్టుకున్నారు. దాంతో అతని ఇంట్లో ఏసీబీ సోదాలు చేపట్టింది. సీఐ బ్యాగులో అదనంగా లెక్క చూపని రూ. 45,760 నగదును కలిగి ఉండడంతో వాటిని కూడా ఏసీబీ సీజ్ చేసింది. నిందితుడిని అరెస్టు చేసి హైదరాబాద్లోని (Hyderabad) ఏసీబీ కేసుల ప్రత్యేక కోర్టు (ACB Court) న్యాయమూర్తి ముందు హాజరుపరుస్తామని అధికారులు తెలిపారు. ఎవరైనా అధికారులు లంచం డిమాండ్ చేస్తే టోల్-ఫ్రీ నంబర్ 1064, వాట్సాప్ 9440446106 లేదా అధికారిక సోషల్ మీడియా ప్లాట్ఫాంల ద్వారా ఏసీబీకి ఫిర్యాదు చేయాలని కోరారు.
ఇది కూడా చదవండి: Gautam Adani | అంబానీని దాటేసిన అదానీ.. ఆసియాలోనే రిచ్చెస్ట్ పర్సన్గా రికార్డు
