అక్షరటుడే, వెబ్డెస్క్: April 15 Gold Rates | భారతీయులకు బంగారం gold అంటే కేవలం ఒక లోహం మాత్రమే కాదు.. భావోద్వేగంతో ముడిపడిన ఆస్తి. పెళ్లిళ్లు, పండుగలు, శుభకార్యాలు ఏవైనా బంగారం లేకుండా పూర్తికావు. అంతేకాకుండా అత్యవసర పరిస్థితుల్లో ఆర్థిక భరోసాగా నిలిచే సంపదగా కూడా దీనిని భావిస్తారు. అయితే ఇటీవల కాలంలో బంగారం ధరలు Gold Prices అనూహ్యంగా పెరుగుతూ సామాన్య ప్రజలపై భారం మోపుతున్నాయి.
గత ఏడాది ప్రారంభంలో లక్ష రూపాయల లోపే ఉన్న 10 గ్రాముల 24 క్యారెట్ల బంగారం ధర, ఇప్పుడు లక్షన్నర మార్క్ను దాటింది. బుధవారం కూడా బంగారం ధరల్లో స్వల్ప పెరుగుదల నమోదైంది. హైదరాబాద్ మార్కెట్లో 10 గ్రాముల 24 క్యారెట్ల బంగారం ధర రూ.10 పెరిగి రూ.1,53,940కి చేరుకోగా, 22 క్యారెట్ల బంగారం ధర రూ.1,41,110 వద్ద నమోదైంది.
April 15 Gold Rates | ప్రధాన నగరాలలో ధరలు..
ఇక ఇతర నగరాల్లోనూ ఇదే ధోరణి కొనసాగుతోంది. విజయవాడ, విశాఖపట్నం నగరాల్లో హైదరాబాద్ ధరలే అమలులో ఉన్నాయి. దేశ రాజధాని ఢిల్లీలో 24 క్యారెట్ల బంగారం ధర రూ.1,54,090 కాగా, 22 క్యారెట్ల బంగారం రూ.1,41,260 వద్ద ఉంది. చెన్నైలో మాత్రం ధరలు మరింత ఎక్కువగా నమోదయ్యాయి. అక్కడ 24 క్యారెట్ల బంగారం రూ.1,55,140కు చేరుకోగా, 22 క్యారెట్ల బంగారం రూ.1,42,210గా ఉంది.
బంగారం బాటలోనే వెండి ధరలు కూడా పెరుగుతున్నాయి. కిలో వెండి ధర రూ.100 పెరిగి హైదరాబాద్, విజయవాడ, విశాఖపట్నం మార్కెట్లలో రూ.2,65,100కి చేరింది. దీంతో తులం వెండి ధర Silver Price రూ.2,651గా నమోదైంది. పెళ్లిళ్ల సీజన్ కావడంతో ధరలు అధికంగా ఉన్నప్పటికీ కొనుగోళ్లు మాత్రం తగ్గడం లేదు.
April 15 Gold Rates | అంతర్జాతీయ పరిస్థితులతో..
ధరలు పెరగడానికి ప్రధాన కారణంగా అంతర్జాతీయ పరిస్థితులను విశ్లేషకులు చెబుతున్నారు. ముఖ్యంగా అమెరికా, ఇజ్రాయెల్, ఇరాన్ దేశాల మధ్య కొనసాగుతున్న ఉద్రిక్తతలు, సముద్ర మార్గాల్లో వాణిజ్య ఆంక్షలు గ్లోబల్ మార్కెట్పై ప్రభావం చూపుతున్నాయి. దీంతో పెట్టుబడిదారులు బంగారం వైపు మొగ్గు చూపుతున్నారు.
అదనంగా, భారతీయ రిజర్వ్ బ్యాంక్తో పాటు చైనా, రష్యా Russia వంటి దేశాల కేంద్ర బ్యాంకులు తమ విదేశీ మారక నిల్వలను బంగారం రూపంలో పెంచుకోవడం కూడా ధరల పెరుగుదలకు దోహదపడుతోంది. ఈ పరిస్థితుల్లో సమీప భవిష్యత్తులో కూడా బంగారం ధరలు స్థిరపడే అవకాశాలు తక్కువగా ఉన్నాయని నిపుణులు అభిప్రాయపడుతున్నారు.
ఇది కూడా చదవండి: April 15 Pre Market Analysis | శాంతి చర్చలపై ఆశలు.. పాజిటివ్గా స్టాక్ మార్కెట్లు
ఇది కూడా చదవండి: Temple Hair Rules | ఆ సమయంలో జుట్టు విరబోసుకోవద్దట… ఎందుకంటే!
