అక్షరటుడే, వెబ్డెస్క్: April 15 Pre Market Analysis | అమెరికా -ఇరాన్ల మధ్య మళ్లీ చర్చలు జరుగుతాయన్న ఆశలు చిగురిస్తుండడంతో చమురు ధరలు తగ్గుతున్నాయి. దీంతో స్టాక్ మార్కెట్లు పాజిటివ్గా ఉన్నాయి. గత సెషన్లో యూఎస్, యూరోపియన్ మార్కెట్లు పాజిటివ్గా ముగియగా.. బుధవారం ఉదయం ఆసియా స్టాక్ మార్కెట్ సైతం లాభాల బాటలో పయనిస్తున్నాయి. గిఫ్ట్ నిఫ్టీ భారీ లాభాలతో ఉంది. ఇది దేశీయ స్టాక్ మార్కెట్ గ్యాప్ అప్లో ప్రారంభమవుతుందని సూచిస్తోంది.
April 15 Pre Market Analysis | యూఎస్ మార్కెట్లు..
గత సెషన్లో నాస్డాక్ 1.96 శాతం, ఎస్అండ్ పీ 1.18 శాతం లాభపడగా.. బుధవారం ఉదయం డౌజోన్స్ ఫ్యూచర్స్ 0.15 శాతం లాభంతో ఉంది.
April 15 Pre Market Analysis | యూరోప్ మార్కెట్లు..
జర్మనీకి చెందిన డీఏఎక్స్ 1.26 శాతం, ఫ్రాన్స్కు చెందిన సీఏసీ 1.10 శాతం, యూకేకు చెందిన ఎఫ్ టీఎస్ ఈ 0.25 శాతం పెరిగాయి.
April 15 Pre Market Analysis | ఆసియా మార్కెట్లు..
ప్రధాన ఆసియా మార్కెట్లు నష్టాలతో సాగుతున్నాయి. ఉదయం 8.15 గంటల ప్రాంతంలో సౌత్ కొరియాకు చెందిన కోస్పీ 2.86 శాతం, తైవాన్ స్టాక్ ఎక్స్ఛేంజ్ 2.02 శాతం, హాంగ్కాంగ్కు చెందిన హాంగ్సెంగ్ 1.27 శాతం, జపాన్కు చెందిన నిక్కీ 0.50 శాతం, సింగపూర్కు చెందిన స్ట్రెయిట్ టైమ్స్ 0.46 శాతం, చైనాకు చెందిన షాంఘై 0.43 శాతం లాభంతో ఉన్నాయి. గిఫ్ట్ నిఫ్టీ 1.38 శాతం లాభంతో కొనసాగుతుండడంతో మన మార్కెట్లు భారీ గ్యాప్ అప్లో ప్రారంభం అయ్యే అవకాశాలున్నాయి.
గమనించాల్సిన అంశాలు..
- ఎఫ్ఐఐలు గత సెషన్లో నికరంగా రూ. 1,983 కోట్ల విలువైన స్టాక్స్ విక్రయించారు.
- డీఐఐలు వరుసగా 31వ సెషన్లోనూ నికర కొనుగోలుదారులుగా నిలిచారు. గత సెషన్లో నికరంగా రూ. 2,432 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో 1.13 వద్ద స్థిరంగా ఉంది.
- విక్స్ 8.75 శాతం పెరిగి 20.5 వద్ద ఉంది.
- యూఎస్ డాలర్ ఇండెక్స్ 98.18 వద్ద, పదేళ్ల బాండ్ ఈల్డ్ 4.25 వద్ద ఉన్నాయి.
- బ్రెంట్ క్రూడ్ ఆయిల్ ధర బ్యారెల్కు 0.28 శాతం తగ్గి 94.56 డాలర్ల వద్ద ఉంది.
- డాలర్తో రూపాయి మారకం విలువ 64 పైసలు బలహీనపడి 93.38 వద్ద ఉంది.
అంతర్జాతీయ ద్రవ్య నిధి 2026-2027లో భారత ఆర్థిక వ్యవస్థ గతంలో అంచనా వేసిన దానికంటే వేగంగా వృద్ధి చెందుతుందని అంచనా వేసింది. అమెరికా -ఇరాన్ యుద్ధ సంక్షోభం ఉన్నప్పటికీ, జనవరిలో చేసిన తన మునుపటి అంచనా 6.4 శాతంతో పోలిస్తే భారతదేశ జీడీపీ వృద్ధి 6.5 శాతంగా ఉంటుందని అంచనా వేసింది. కాగా ఐఎంఎఫ్ 2026 నాటికి తన వృద్ధి అంచనాను 3.1 శాతం వాస్తవ జీడీపీ వృద్ధికి తగ్గించింది. ఇది జనవరిలో చేసిన మునుపటి అంచనా కంటే 0.2 శాతం పాయింట్లు తక్కువ.
భారతదేశ రిటైల్ ద్రవ్యోల్బణం మార్చిలో స్వల్పంగా పెరిగి 3.4 శాతానికి చేరింది. ఇది అంతకుముందు నెలలో 3.21 శాతంగా ఉంది. కాగా రిజర్వ్ బ్యాంక్ ఆఫ్ ఇండియా నిర్దేశించిన 4శాతం మధ్యస్థ లక్ష్యంకంటే మార్చి సీపీఐ ఇన్ఫ్లెషన్ తక్కువగానే ఉంది.
ఇది కూడా చదవండి:
ఇది కూడా చదవండి: Bilva Patra | బిల్వపత్రం వెనుక ఉన్న అసలు రహస్యం ఇదే.. త్రిమూర్తి తత్వానికి ఇది ఎలా ప్రతీకంటే!
ఇది కూడా చదవండి: Karna | కర్ణ మరణం నుంచి కష్టాల వరకు.. ‘సవాలక్ష’ అనే పదం ఎలా వచ్చిందంటే!
