అక్షరటుడే, వెబ్డెస్క్: Ola S1 X Plus | ప్రముఖ విద్యుత్ ద్విచక్ర వాహన తయారీ సంస్థ.. ఓలా ఎలక్ట్రిక్ (Ola Electric) మరో కొత్త మోడల్ను మార్కెట్లోకి తీసుకువచ్చింది. కంపెనీ సొంతంగా అభివృద్ధి చేసిన 4680 భారత్ సెల్తో పనిచేసే ఎస్1 ఎక్స్ ప్లస్ 5.2 కేడబ్ల్యూహెచ్ను సోమవారం విడుదల చేసింది.
ఈ విషయాన్ని కంపెనీ సీఈఓ భవిష్ అగర్వాల్ (CEO Bhavish Aggarwal) ధ్రువీకరించారు. ఇన్హౌస్లో రూపుదిద్దుకున్న సెల్ టెక్నాలజీ సాయంతో తయారు చేసినది కావడంతో అందుబాటు ధరలో తేవడం సాధ్యమైందని కంపెనీ ప్రకటించింది. దీని ధరను రూ.1,29,999(ఎక్స్ షోరూమ్)గా నిర్ణయించింది.
Ola S1 X Plus | మెరుగైన బ్రేకింగ్ సామర్థ్యం..
ఓలా ఎస్1 ఎక్స్ ప్లస్ ఇంటిగ్రేటెడ్ ఎంసీయూతో కూడిన 11 కేడబ్ల్యూ మిడ్ డ్రైవ్ మోటార్తో పనిచేస్తుంది. బ్రేకింగ్ సామర్థ్యాన్ని మరింత మెరుగుపరిచేందుకు బ్రేక్ బై వైర్, ఫ్రంట్ డిస్క్ బ్రేకులు కూడా ఉన్నాయి. దీని గరిష్ట వేగం గంటకు 125 కిలోమీటర్లు. ఫుల్ చార్జ్తో 320 కిలోమీటర్లు (ఐడీసీ రేంజ్) ప్రయాణించవచ్చని కంపెనీ పేర్కొంది.
Ola S1 X Plus | రోడ్స్టర్ మోటార్ సైకిళ్లు కూడా..
ఓలా ఎలక్ట్రిక్ ఎస్1 ప్రో స్కూటర్లతో పాటుగా రోడ్స్టర్ ఎలక్ట్రిక్ మోటార్ సైకిళ్లను కూడా విక్రయిస్తోంది. ఎస్1 థర్డ్ జనరేషన్లో ఎస1 ప్రో ప్లస్ (5.2 కేడబ్ల్యూహెచ్, 4 కేడబ్ల్యూహెచ్), ఎస్ 1ప్రో (4కేడబ్ల్యూహెచ్, 3కేడబ్ల్యూహెచ్) పేరిట ప్రీమియం స్కూటర్లను (Premium Scooters) విక్రయిస్తోంది. మాస్ మార్కెట్ను దృష్టిలో ఉంచుకొని ఎస్1 ఎక్స్ ప్లస్(4కేడబ్ల్యూహెచ్), ఎస్ 1 ఎక్స్ (2, 3, 4 కేడబ్ల్యూహెచ్) మోడళ్లను అందుబాటులో ఉంచింది. రోడ్స్టర్ ఎక్స్ ప్లస్ను 4.5కేడబ్ల్యూహెచ్, 9.1 కేడబ్ల్యూహెచ్ కాన్ఫిగరేషన్తో, రోడ్స్టర్ ఎక్స్ను 2.5, 3.5, 4.5 కేడబ్ల్యూహెచ్ బ్యాటరీ సామర్థ్యంతో విక్రయిస్తోంది. ఎస్1 ఎక్స్ ప్లస్ 5.2 కేడబ్ల్యూహెచ్ ఈ శ్రేణిలో కొత్తగా చేర్చింది.
ఇది కూడా చదవండి..: PFBR Reactor India | భారత అణుశక్తి రంగంలో సరికొత్త శకం.. కల్పక్కం ఫాస్ట్ బ్రీడర్ రియాక్టర్ విజయవంతం కావడంలో గోద్రెజ్ కీలక పాత్ర
