అక్షరటుడే,కోటగిరి : Sri Veda School | విద్యార్థులను తీర్చిదిద్దడంలో ఉపాధ్యాయుల పాత్ర ఎంత కీలకమని ప్రముఖ వ్యక్తిత్వ వికాస నిపుణుడు శ్రీహరి అన్నారు. మండల కేంద్రంలోని (Kotagiri) శ్రీవేద పాఠశాల 11వ వార్షికోత్సవ వేడుకల్లో ఆయన పాల్గొని మాట్లాడారు.
Sri Veda School | చెడు అలవాట్లకు తొందరంగా అలవాటు..
నేటి సమాజంలో విద్యార్థులు చదువులకు దూరం కావడం.. చెడు అలవాట్లకు దగ్గర కావడం పరిపాటిగా మారిందని శ్రీహరి అన్నారు. విద్యార్థులను తల్లిదండ్రులు ప్రశంసించాలి కానీ పొగడకూడదని దీనివల్ల విద్యార్థులలో తప్పుడు అభిప్రాయాలు ఏర్పడతాయని ఆయన అన్నారు. విద్యార్థులకు చదువు క్రమశిక్షణ రెండు ఎంతో ముఖ్యమని అవి రెండు ఉన్నవారు మాత్రమే తమ లక్ష్యాలను చేరుకోగలుగుతారని ఆయన అన్నారు. ఇందుకు నిదర్శనం సచిన్ టెండూల్కర్ అని వివరించారు. 32 సార్లు సెంచరీలు చేసిన 33వ సారి సున్నా పరుగుకలు వికెట్ కోల్పోయినప్పుడు తలదించుకొని వచ్చిన వ్యక్తి అని గుర్తు చేశారు.
Sri Veda School | చిన్నారుల భవిష్యత్తు కోసమే మందలింపులు..
తల్లిదండ్రులు, గురువులు మందలించేది చిన్నారుల భవిష్యత్తు కోసమేనని ఆయన గుర్తు చేశారు. నేటి సమాజంలో ఉపాధ్యాయ వృత్తిలోకి రావాలంటేనే భయపడే పరిస్థితులు ఏర్పడ్డాయని ఆవేదన వ్యక్తం చేశారు. ఉపాధ్యాయులకు సొంత పిల్లల కన్నా పాఠశాల చిన్నారులే ముఖ్యమని వారిని సైతం తమ పిల్లలుగానే భావిస్తారని ఇందుకు ఎన్నో ఉదాహరణలు చెప్పుకొచ్చారు. నేటి సమాజంలో తల్లిదండ్రులు గురువుల పట్ల చిన్నచూపు చూస్తున్నారని విద్యార్థుల ముందే గురువులను అగౌరవపరుస్తున్నారని ఇది మంచి సంస్కృతి కాదన్నారు.
విద్యార్థులకు చదువులు గురువులు విద్యాసంస్థలు అన్న విలువలు పోవడానికి కారణం ఇలాంటి ఘటనలేనని ఆయన గుర్తు చేశారు. గ్రామీణ ప్రాంతాల విద్యార్థులకు ఎంతో మేధాసంపత్తి ఉంటుందని చెప్పుకొచ్చారు. పట్టణాలలోని విద్యాసంస్థలతో పోల్చుకుంటే గ్రామీణ ప్రాంతాల విద్యాసంస్థలే మెరుగైన విద్యను వ్యక్తిత్వంతో కూడిన విద్యను విలువలతో కూడిన విద్యను అందిస్తున్నాయని గుర్తు చేశారు. ఈ సందర్భంగా విద్యార్థుల నృత్య ప్రదర్శనలు అందరినీ ఆకట్టుకున్నాయి. కార్యక్రమంలో స్థానిక ఎస్సై సునీల్, బోధన్(Bodhan) విద్యావికాస్ విద్యాసంస్థల (Vidya Vikas Institutions) ఛైర్మన్ యార్లగడ్డ శ్రీనివాస్, ఉషోదయ విద్యాసంస్థల(Ushodaya Educational Institutions) ఛైర్మన్ సూర్య ప్రకాష్ రావు, శ్రీవేద పాఠశాల డైరెక్టర్ తెల్ల రవికుమార్, కరస్పాండెంట్ తెల్ల అక్షర ఉపాధ్యాయ బృందం తల్లిదండ్రులు విద్యార్థులు పాల్గొన్నారు.
ఇది కూడా చదవండి: Lok Sabha Seats Increase | లోక్సభ సీట్ల పెంపుపై ప్రధానికి సీఎం లేఖ
