అక్షరటుడే, కమ్మర్పల్లి: Road Safety Campaign | రోడ్డు భద్రతపై (Road Safety) కమ్మర్పల్లి విద్యార్థులు వినూత్న ప్రయోగం చేశారు. తమ ఉపాధ్యాయుల సహకారంతో వారు తమ తల్లిదండ్రులకు రోడ్డు భద్రత కోసం తీసుకోవాల్సిన జాగ్రత్తలను వివరిస్తూ పోస్టుకార్డులు పంపారు.
Road Safety Campaign | ప్రజాపాలన.. ప్రగతి ప్రణాళికలో..
రాష్ట్ర వ్యాప్తంగా ప్రజాపాలన – ప్రగతి ప్రణాళికలో భాగంగా ‘అరైవ్ అలైవ్ క్యాంపెయిన్ (Arrive Alive Campaign) – 2026’ కార్యక్రమాన్ని కమ్మర్పల్లి పోలీసుల (Kammarpally Police) ఆధ్వర్యంలో మండలంలోని జడ్పీహెచ్ఎస్లో ‘చిల్డ్రన్స్ రోడ్ సేఫ్టీ డే’ నిర్వహించారు. కార్యక్రమంలో భాగంగా కమ్మర్పల్లి, చౌట్పల్లి, ఉప్లూర్, హాసాకొత్తూర్, కోనసముందర్, కోనాపూర్, బషీరాబాద్ గ్రామాల్లోని జిల్లా పరిషత్ ఉన్నత పాఠశాలల (ZPHS) విద్యార్థులతో ట్రాఫిక్ నిబంధనలు, రోడ్డు భద్రతపై విస్తృత అవగాహన కార్యక్రమాలు నిర్వహించారు.
Road Safety Campaign | తల్లిదండ్రులకు పోస్టుకార్డుల ద్వారా..
కార్యక్రమంలో విద్యార్థులతో వారి తల్లిదండ్రులకు ట్రాఫిక్ నిబంధనల (Traffic Rules) ఆవశ్యకతను తెలుపుతూ పోస్ట్కార్డులు రాయించే వినూత్న కార్యక్రమాన్ని పోలీసులు చేపట్టారు. ‘నాన్న, దయచేసి నా కోసం, అమ్మ కోసం హెల్మెట్ వాడండి’, “మద్యం సేవించి వాహనం నడపకండి”, “మనందరి కోసం ట్రాఫిక్ రూల్స్ పాటించండి” వంటి భావోద్వేగభరితమైన, సూటైన సందేశాలతో కూడిన పోస్ట్కార్డులను విద్యార్థులు తమ తల్లిదండ్రులకు పంపారు. పెద్దల్లో మార్పు తీసుకొచ్చేందుకు పిల్లల ద్వారా చేసిన ఈ ప్రయత్నం అందరినీ ఆకట్టుకుంది.
Road Safety Campaign | ఇతర అవగాహన కార్యక్రమాలు..
దీంతో పాటు విద్యార్థులకు సురక్షితంగా రోడ్డు దాటడం (Pedestrian Crossing), సీటు బెల్ట్, హెల్మెట్ వాడకం, స్కూల్ బస్సుల్లో భద్రత తదితర అంశాలపై పోలీసులు డెమో ద్వారా వివరించారు. ముఖ్యంగా మైనర్ల డ్రైవింగ్, ట్రిపుల్ రైడింగ్, పాఠశాలల వద్ద అతివేగం వంటి వాటిపై కఠినంగా వ్యవహరిస్తామని హెచ్చరించారు. ప్రతి ఒక్కరూ ట్రాఫిక్ నిబంధనలు పాటించి, రోడ్డు ప్రమాదాల నివారణకు సహకరించాలని ప్రజలకు విజ్ఞప్తి చేశారు.
ఇది కూడా చదవండి..: Hostel Student Death | బీసీ బాలికల వసతి గృహంలో విద్యార్థిని మృతి
